As tres universidades públicas galegas e a Xunta de Galicia, xunto co consorcio Axencia para a Calidade do SUG, desenvolverán un plan de mellora do ensino universitario de Enfermaría. O acordo, que acaban de formalizar coa sinatura dun protocolo xeral, considera de interese xeral para Galicia o establecemento dun plan de mellora da docencia no Grao de Enfermaría que permita axustarse aos obxectivos de calidade, eficiencia na xestión e atención á poboación galega, así como permitir a mellora da actividade investigadora desenvolvida polas institucións universitarias neste eido.
O presidente da Xunta, Alfonso Rueda, e o conselleiro de Sanidade, Antonio Gómez Caamaño, con representantes das universidades públicas de Galicia, tras a firma do acordo sobre o Grao de Enfermería.
O Grao en Enfermaría impártese na actualidade en oito centros de diversa titularidade,
estando presente nos sete campus universitarios públicos de Galicia. O documento, segundo informa Redacción Médica, está baseado en tres liñas de actuación nas que os centros universitarios comprométense a levar a cabo a reestruturación da docencia "nunha única facultade por universidade", integrando nun centro propio toda a docencia que na actualidade impártese en centros de diferentes titularidades.
Para cumprilo, deberán poñer en marcha "o máis axiña posible" os procedementos necesarios para "integrar nun centro propio da universidade, todos os centros de distinta titularidade onde actualmente impártese" o grao enfermeiro. "Isto formalizarase coa firma de convenios de desadscripción e a tramitación da creación de novas facultades ou modificación das xa existentes", indica o texto.
Por iso a demanda de persoal seguirá sendo alta nun sistema sanitario no que o papel da enfermería é esencial para garantir unha atención integral e humanizada que responda ás necesidades específicas de cada individuo.
Para esa mellora da docencia, as entidades implicadas poñerán en marcha no seu respectivo ámbito os procedementos para a integración, como propios, dos centros de distinta titularidade nos que actualmente se imparte a titulación de Grao en Enfermaría na universidade pertinente. Ademais, comprométense a incrementar de maneira paulatina a oferta global de prazas de novo ingreso no Grao de Enfermaría.
