A Casa de Galicia en Madrid inaugurou a exposición "40 anos de autonomía de Galicia nas caricaturas de Siro", un percorrido visual e crítico polas catro décadas de historia democrática da comunidade. O acto contou coa presenza do presidente do Parlamento de Galicia, Miguel Santalices, quen destacou que "Siro é un referente ético e estético que soubo retratar a alma de Galicia" a través do seu traballo.
A mostra, organizada pola Cámara galega en colaboración con Afundación e La Voz de Galicia, reúne unha selección das obras máis emblemáticas de Siro López, quen durante anos plasmou a actualidade política cun trazo inconfundible. Esta exposición chega á capital tras a recente homenaxe que a Xunta lle rendeu ao artista co gallo do Día da Ilustración 2026.
Como sinala o xornalista Alberto Barciela na súa análise sobre o debuxante, "Siro é esa caricatura de si mesmo, o xenio, a chispa e o bo talante". Para Barciela, o autor logrou crear un "círculo de artes e consensos dixeribles no humor máis certeiro", convertendo a complexidade da política en algo humano.
A exhibición, que ocupa as salas Emilia Pardo Bazán e Álvaro Cunqueiro, permite aos visitantes repasar os fitos que definiron a identidade de Galicia desde a aprobación do seu Estatuto. Desde a perspectiva de Asomega, este evento subliña a importancia da cultura na cohesión da identidade galega fóra das súas fronteiras. A mostra poderá visitarse na sede da rúa Casado del Alisal ata o vindeiro 29 de marzo.
El foro impulsado por SOLTI, Asomega y Aseica dota a los comunicadores de herramientas críticas…
Pablo Miguéns-Suárez defende a súa tese sobre biomarcadores no asma, consolidando o labor do grupo…
Alicia Batlle, primera finalista en el VIII Certamen de Relato Breve de la SEPAR con…
El director del coro del Centro Gallego de Madrid y miembro activo de la Fundación…
Emilio Rial, director general de Coren, desgrana la filosofía de una firma gallega clave que…
Alberto Barciela afonda no sentido das Letras Galegas, unha celebración que transcende nomes para afirmar…