Ciencia al día

Nace a primeira Cátedra de IA en Medicina Personalizada de Precisión

A Cátedra de Intelixencia Artificial en Medicina Personalizada de Precisión (CAME&IA), a única que en España se dedica ata o momento á IA aplicada á medicina personalizada, presentouse esta semana co obxectivo de xerar, nos vindeiros catro anos, novo coñecemento a través do uso de tecnoloxías intelixentes e a explotación avanzada de datos médicos para mellorar a toma de decisións clínicas.

USC e a empresa tecnolóxica Plexus Tech camiñan da man na creación de CAME&IA, liderada polo Centro Singular de Investigación en Tecnoloxías Intelixentes da USC (CiTIUS) para “situar Galicia e España á vangarda da aplicación da Intelixencia Artificial no ámbito sanitario”, destacou no acto o reitor da USC.

Imagen sobre IA aplicada a la medicina personalizada generada con inteligencia artificial.

Antonio López Díaz puxo en valor a colaboración público-privada, así como a conexión que no seo da Universidade se tece entre a investigación científica, moi especialmente a que se está a facer no ámbito da Intelixencia Artificial, sumándolle as potencialidades da investigación biosanitaria. “A aplicación da IA ao eido da medicina permítenos xestionar unha inmensidade de datos sobre cada persoa para afinar os diagnósticos, os tratamentos e mellorar, en definitiva, a calidade de vida das persoas, algo que sería inimaxinable a través das vías tradicionais. Ese manexo de datos só é posible aplicando ferramentas de Intelixencia Artificial”, destacou o reitor.

A cátedra, financiada con 1,2 millóns de euros, conta co respaldo do Ministerio para a Transformación Dixital e da Función Pública, cunha achega próxima aos 900.000 euros. A secretaria de Estado de Dixitalización e Intelixencia Artificial, María González Veracruz, destacou que esta cátedra reflicte “o papel fundamental que desempeña a investigación para construír un país mellor, que abrace a tecnoloxía cunha mirada humanista, centrada nas persoas e na defensa dos seus dereitos”. 

"A cátedra naceu coa convicción de que só desde unha perspectiva integradora e multidisciplinar se pode construír unha contorna de investigación que transforme o coñecemento en melloras tanxibles para a práctica clínica", afirmou Senén Barro, director científico do CiTIUS e responsable da cátedra. "Entendemos a tecnoloxía como unha gran ferramenta para mellorar o mundo, e a medicina é un campo onde os avances tecnolóxicos teñen un impacto directo na calidade de vida das persoas", subliñou, pola súa parte, José Manuel Viña Bravo, director xeral de Plexus Tech. O acto contou ademais co relatorio do catedrático da USC e director da Academa Asomega, Ángel Carracedo.

Iñaki Moreno

Entradas recientes

La doctora Rosa Rodríguez Álvarez, distinguida con la Medalla Castelao 2025

“La doctora que todo el mundo adora”, Rosa Rodríguez, recibe la Medalla Castelao por una…

18 horas hace

Los Peregrinos de Marte emprenden su ruta 2025 a Santiago

A su llegada al albergue de Briallos les esperaban los agentes de la Guardia Civil…

19 horas hace

Asomega expone al conselleiro de Sanidade sus próximos proyectos y actividades

El presidente y el tesorero de Asomega se reunieron con Antonio Gómez Caamaño para presentarle…

23 horas hace

RespirARTE 2025: una jornada de ciencia, arte y emoción en el corazón de Madrid

Asomega y VitalAire impulsan una jornada sobre el camino de Santiago y el arte para…

3 días hace

Cintia Folgueira, nova académica numeraria da Academia Xove de España

Recoñecida pola súa traxectoria en metabolismo e saúde, Folgueira únese á Academia tras superar un…

4 días hace

Mario Braier recibe el Premio Humanizar por su labor en Red TBS-Stop Epidemias

El jurado de los premios reconoce a Braier por promover la memoria, la colaboración y…

5 días hace