Ciencia al día

O CiQUS lidera un proxecto para desenvolver un novidoso axente anticancro

Con máis de 400 propostas presentadas desde 39 países, a última convocatoria EIC Transition do Consello Europeo de Innovación foi a máis concorrida ata hoxe. E entre as 40 propostas finalmente seleccionadas atópase MEDiCS, un proxecto liderado polo profesor José Luis Mascareñas que se centrará no desenvolvemento clínico dun novo axente anticancro. O CiQUS suma así o seu segundo proxecto deste tipo e sitúa a Universidade de Santiago de Compostela como a única española, xunto a Universidade Pompeu Fabra, que foi beneficiaria dúas veces deste programa. O consorcio liderado desde o CiQUS obtivo 2,5 millóns de euros para desenvolver a súa proposta durante os próximos tres anos.

José Luis Mascareñas e Lara Villarino lideran o novo proxecto do EIC desde CiQUS.

MEDiCS é o acrónimo de Anticancer approach based on the Metabolic Disruption of Cancer Stem Cells, un proxecto que pivota sobre o potencial preclínico que demostrou unha familia de complexos metálicos baseados en rutenio para combater certos tumores. O seu obxectivo agora é avanzar na madurez da tecnoloxía completando a fase preclínica, necesaria antes de comezar os ensaios clínicos en humanos.

O proxecto buscará mellorar o comportamento deste novidoso composto na etapa preclínica fronte a dous tipos de cancro particularmente desafiantes: o de páncreas, pola súa elevada prevalencia, e o de colon, pola súa alta letalidade, ambos cun enorme impacto na sociedade.

O profesor Mascareñas e Bruno Sainz, xunto aos seus respectivos equipos no CiQUS e no Instituto de Investigacións Biomédicas Sols-Morreale (CSIC-UAM), recibiron no pasado o apoio de Ignicia (Xunta de Galicia) e da Fundación La Caixa para estudar o comportamento deste tipo de axentes anticancro. Alentados por resultados prometedores, decidiron postular a un proxecto do EIC, a pesar de que estas convocatorias son extremadamente competitivas e teñen unha taxa de éxito inferior ao 10%. A selección dos proxectos lévase a cabo en dúas fases: unha preselección baseada na calidade da proposta e, posteriormente, unha esixente entrevista a modo de exame ante un panel avaliador multidisciplinar, formado por seis expertos internacionais.

Iñaki Moreno

Entradas recientes

RespirARTE 2025: una jornada de ciencia, arte y emoción en el corazón de Madrid

Asomega y VitalAire impulsan una jornada sobre el camino de Santiago y el arte para…

8 horas hace

Cintia Folgueira, nova académica numeraria da Academia Xove de España

Recoñecida pola súa traxectoria en metabolismo e saúde, Folgueira únese á Academia tras superar un…

1 día hace

Mario Braier recibe el Premio Humanizar por su labor en Red TBS-Stop Epidemias

El jurado de los premios reconoce a Braier por promover la memoria, la colaboración y…

2 días hace

Vigo aplica a primeira terapia xénica pública contra a hemofilia B en España

Un paciente do Álvaro Cunqueiro recibe un tratamento pioneiro que pode evitar a artrite e…

6 días hace

Paz-Ares, premiado en un acto que reivindica la medicina con alma y la excelencia científica gallega

La entrega del XXIV Premio Nóvoa Santos en Santiago reconoce la trayectoria global y el…

6 días hace

Asomega Axuda, de nuevo con Los Peregrinos de Marte en su Camino de Santiago 2025

Los Peregrinos de Marte presentan su Camino 2025 con el respaldo de Asomega Axuda, DisCamino,…

1 semana hace