Noticias de Asomega

José Manuel Olivares, novo director asistencial da Área Sanitaria de Vigo

O Servizo Galego de Saúde nomeou ao doutor José Manuel Olivares Díez como novo director asistencial da Área Sanitaria de Vigo, en substitución da doutora Esther Casal Rodríguez, que ocupaba o cargo desde xuño de 2024.

Psiquiatra de recoñecida traxectoria, Olivares foi desde 2014 xefe do Servizo de Psiquiatría desta área sanitaria, onde impulsou múltiples iniciativas asistenciais, docentes e investigadoras. Entre elas destacan a creación de programas de atención temperá a primeiros episodios psicóticos en coordinación con asociacións de pacientes, a posta en marcha da Unidade de Prevención do Suicidio ou a apertura en 2023 da nova unidade de hospitalización de saúde mental no Hospital Álvaro Cunqueiro.

Formado na Universidade de Santiago de Compostela e doutorado en Psiquiatría pola Universidade de Oviedo, completou a súa especialización en Vigo e na Universidade de Cambridge. É profesor asociado na USC, investigador responsable do grupo de Neurociencia Traslacional do Instituto de Investigación Sanitaria Galicia Sur (IISGS) e forma parte do CIBERSAM, a rede de investigación en saúde mental de referencia en España.

A súa traxectoria profesional estivo marcada por unha visión integradora e innovadora da asistencia, cun empeño constante en normalizar a atención á saúde mental no sistema sanitario público e situala ao mesmo nivel que outras áreas da Medicina.

No ámbito de Asomega, o doutor Olivares participou en outubro de 2023 como moderador da segunda sesión de Asomega Maiores, celebrada no Hospital Álvaro Cunqueiro de Vigo, dedicada a “A saúde mental dos maiores en Galicia”. Naquel encontro subliñou a necesidade de poñer o foco neste grupo de poboación, lembrando que o estigma asociado á enfermidade mental persiste de forma especialmente resistente entre as persoas maiores.

Iñaki Moreno

Entradas recientes

La 4ª Jornada de Centros de la Red TBS, contra la epidemia de la injusticia

Expertos de los ámbitos sanitario, penitenciario y humanitario reclaman más acción solidaria frente a la…

14 horas hace

Vacunación en el enfermo respiratorio crónico: innovación, retos y compromiso colectivo

La jornada Visionarios 2025, en la que participó Asomega, destacó la necesidad de vacunas adaptadas…

5 días hace

Ancochea reafirma o compromiso de Asomega cunha medicina humana e innovadora

Nunha entrevista en COPE Ourense, o presidente de Asomega defendeu que a tecnoloxía non pode…

5 días hace

Luz Couce: “La salud se construye desde antes de nacer”

La subdirectora de la Academia Asomega defendió la atención prenatal, la programación metabólica y los…

5 días hace

Asomega: compromiso, ciencia y humanismo. Un proyecto abierto a la colaboración

Asomega reúne en sus dossieres 2024 y 2025 un completo catálogo de actividades científicas y…

6 días hace

Fernández Sousa-Faro ingresa en la Real Academia Nacional de Farmacia

El presidente de PharmaMar hablará en su discurso de ingreso sobre la trabectedina, el antitumoral…

7 días hace